Matokeo ya Usaili wa Mahojiano TRA 2025

Haya hapa Matokeo ya Usaili wa Mahojiano TRA 2025 (Oral Interview)Mamlaka ya Mapato Tanzania (TRA) ilitangaza nafasi za kazi 1,596 mwanzoni mwa mwezi Februari 2025.

Katika mchakato huo, jumla ya 135,027 maombi ya kazi yalipokelewa. Kati ya hao, 113,023 waliitwa kwenye usaili wa mchujo wa kuandika baada ya kukidhi vigezo vilivyowekwa.

Usaili wa kuandika ulifanyika tarehe 29 na 30 Machi, 2025. Wasailiwa waliofaulu walialikwa kwenye usaili wa mahojiano uliofanyika kati ya 12 hadi 14 Mei, 2025. Jumla ya wasailiwa 6,325 walishiriki kwenye usaili huo.

Kuongezwa kwa Nafasi za Ajira

TRA inatoa shukrani za dhati kwa Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania. Rais ameridhia ombi la kuongeza nafasi 300 za ajira kwenye mchakato huu. Nafasi hizo zimeidhinishwa kupitia Bajeti ya Mwaka wa Fedha 2025/26.

Kwa hatua hii, jumla ya watakaoajiriwa sasa imeongezeka hadi kufikia 1,896. Awali, idadi ya nafasi za ajira ilikuwa 1,596.

Matokeo ya Usaili na Mwaliko wa Kuripoti Kazini

TRA inawataarifu waombaji wote waliopitia usaili wa mahojiano kuwa matokeo rasmi yatatolewa kesho, tarehe 28 Mei, 2025.
Matokeo hayo yatatumwa kupitia barua pepe walizotumia wakati wa kutuma maombi ya kazi.

Wasailiwa 1,896 walioteuliwa kwa ajira wanapaswa kufika katika kumbi walizopangiwa tarehe 02 Juni, 2025. Muda wa kufika ni saa 1:00 asubuhi. Wasailiwa wanapaswa kufika wakiwa na nyaraka muhimu kama ilivyoelekezwa kwenye barua pepe zao.

Angalia hapa matokeo ya waliochaguliwa

Fursa kwa Waombaji Wengine

TRA inawashukuru waombaji wote waliopenda kujiunga na taasisi hii. Waombaji 4,429 waliopata nafasi ya kushiriki usaili wa mahojiano lakini hawakuitwa kazini, bado wana nafasi nyingine.

Taarifa zao zitahifadhiwa kwenye kanzidata ya TRA kwa matumizi ya ajira za baadaye.

Mawasiliano kwa Taarifa Zaidi

Kwa maelezo au maswali zaidi, tafadhali wasiliana na TRA kwa kutumia njia zifuatazo:

Tovuti: www.tra.go.tz
Namba za simu bila malipo: 0800 780078 / 0800 750075 / 0800 110016
WhatsApp: 0744 23 33 33
Barua pepe: huduma@tra.go.tz au services@tra.go.tz

Hitimisho

TRA inawatakia kila la heri wale wote waliopata nafasi ya kujiunga kazini. Aidha, TRA inawapongeza wote walioweza kufika hatua ya usaili wa mahojiano. Mamlaka itaendelea kuthamini mchango wa kila mmoja katika ujenzi wa taifa letu.